உலக விருது பெரும் அர்விந்த் கண் மருத்துவமனை: வாழ்த்துக்கள்!

மைக்ரோசாஃப்ட் மகாகுரு பில் கேட்ஸ் மற்றும் அவர் மனைவி மெலிண்டா கேட்ஸ் நடத்தும் கேட்ஸ் ஃபவுண்டேஷன் அமைப்பு மதுரை அர்விந்த் கண் மருத்துவமனைக்கு 1 மில்லியன் அமெரிக்க டாலர் "கேட்ஸ் விருது" வழங்கியுள்ளது. வளரும் நாடுகளில் சுகாதாரத்தை மேம்படுத்தும் அமைப்புகளுக்கான அகில உலக விருதுகளில் முதன்மையான விருதாகும் இது.

சமூக சேவையை முக்கிய நோக்கமாகக் கொண்டு, அதே சமயம் அதிநவீன மருத்துவ வசதிகள், தொழில்நுட்பம் இவற்றை உயரிய தொழில் நேர்த்தியுடன் இணணத்து சாதனை படைத்துள்ளார் இதனை நிறுவிய டாக்டர் ஜி.வெங்கடசாமி.

உலகின் மிகப்பெரிய, மிக அதிகப் பயனர்களுக்கு சேவை வழங்குகின்ற கண் மருத்துவமனை பற்றிய 6 நிமிட வீடியோ -



பரபரப்பு மீடியா வெளிச்சங்களுக்கு அப்பால், ஒரு பழம்பெருமை மொஃபசல் நகரம் என்று கருதப் படும் மதுரையில் இருந்து கொண்டும் செயற்கரிய சாதனைகளை செய்ய முடியும் என்பதற்கு ஒரு நல்ல உதாரணம் அரவிந்த் கண் மருத்துவமனை.